सुदूरपश्चिममा आज थप १९७ जनामा कोरोना पुष्टि

धनगढी

 सुदूरपश्चिम प्रदेशमा आज थप १ सय ९७ जनामा कोरोना  पुष्टि भएको छ ।

 स्वास्थ्य मन्त्रालयले नियमित पत्रकार सम्मेलन मार्फत दिएको जानकारी अनुसार बाजुरामा २८ महिला र ७० पुरुष गरि ९८ जना, डोटीमा १७ महिला र ५२ पुरुष गरि ६९ जना,कैलालीमा ८ महिला र २२ पुरुष गरि ३० जनामा कोरोना संक्रमण पुष्टि भएको हो ।

 आज देखिएका संक्रमितहरुमा त्रिभुवन शिक्षण अस्पताल महाराजगंजमा बाजुराका २० महिला र ४६ पुरुष, कर्णाली स्वास्थ्य बिज्ञान प्रतिष्ठानको प्रयोगशालामा बाजुराका ८ महिला २४ पुरुषमा कोरोना पुष्टि भएको मन्त्रालयले जनाएको  छ ।

 यसैगरी मन्त्रालयका अनुसार आज नै सेती प्रादेशीक अस्पताल धनगढीको प्रयोगशालामा भएको परिक्षणमा कैलालीका ८ महिला र २१ पुरुष गरि २९ जना र डोटीका १७ महिला र ५२ पुरुष गरि ६९ जनामा कोरोना संक्रमण पुष्टि भएको छ ।

साथै आज नै चितवन अस्पतालमा गरिएको परिक्षणमा कैलालीका १ जना पुरुषमा संक्रमण पुष्टि भएको मन्त्रालयले जानकारी दिएको छ ।