प्रहरी नायब निरीक्षक माथी खुकुरी प्रहार

धनगढी । अपराध गरेर भाग्न खोजेका युवकलाई पक्राउ पर्ने क्रममा प्रहरी नायव निरिक्षक माथी खुकुरी प्राहार भएको छ ।

सुदूरपश्चिमको बैतडी घर भई हाल काठमाण्डौमा कार्यरत प्रहरी नायव निरिक्षक (सइ) पदम अवस्थीमाथि खुकुरी प्रहार गरिएको हो । साथीलाई खुकुरी प्रहार गरी भागेका रामेछाप लिखुका शनि तामाङलाई पक्राउ गर्न खोज्दा उनि माथी खुकुरी प्रहार गरिएको हो ।

प्रहरी प्रभाग धर्मस्थली काठमाण्डौंमा कार्यरत उनको वीर अस्पालमा उपचार भईरहेको बताइएको जनाइएको छ । शनि तामाङलाई भने प्रहरीले पक्राउ गरिसकेको छ । उनले तार्केश्वर नगरपालिका–८ शेषमती लामबजार नजिक सामान्य विषयमा विवाद हुँदा दोलखाका सुवास तामाङलाई खुकुरी हानेर भागेका थिए ।