बृद्धभत्ताको रकमबाट पौडेलले गरे गौशाला निर्माण

धनगढी । बृद्धभत्ता बापत पाएको रकमबाट समाजसेवी महेश्वर पौडेलले कैलालीको गौरीगंगा नगरपालिका वडा नम्बर वडा नम्बर १ र ४ को बीचमा रहेको गौरीगंगा धाममा  गौशाला निर्माण गरेका छन् ।

चार वर्षको आफ्नो  बद्धभता र आफ्नो परिवारका दाजु  भतिजाहरूको गरि करिव १ लाख ५० हजार र सामुदायिक वनकको काठ सहयोगमा पौडेलले गौशाला निर्माण गरेका हुन् ।

टाढा गएर तिर्थ व्रत गर्नु भन्दा नजिकमा रहेका गाइलाई सहज वासस्थानको व्यवस्थापनका लागि गौरिगगा गोलोकधाम तिर्थस्थल घाषणा गरिएको पौडेलले बताए ।

१६ फिट चौडाई ५५ फिट लामो उक्त गौसालामा २ शय ५०  जति छोडुवा गाईहरू रहेका छन् ।  सो गौसालामा १ जना हेरालु चौकिदार र गाइलाइ नियमित नुन दिने व्यवस्ता मिलाइएको छ  ।

गौरीगंगा नगरपालिका ४ राजीपुरका पौडेलले केही बर्ष अघि प्युठानको स्वर्गदारी मन्दिरमा  गौशाला निर्माणका लागि  अक्षय कोष  स्थापना गर्न ७५ हजार सहयोग गरेका थिए ।

 समाजसेवामा रुचि राख्ने पौडेलले चाड पर्वका बेलामा छोराछोरीहरुले दिएको खर्च जोगाएर राख्ने र सामाजिक काममा खर्च गर्ने गरेको पौडेलका छोरा एवम गौरीगंगा उद्योग वाणिज्य संघका उपाध्यक्ष खेमानन्द पौडेलले बताए ।