कोअपरेटिभ्स म्यानेजर्स क्लब कैलालीको  अध्यक्षमा पुनः जैसी

धनगढी । कोअपरेटिभ्स म्यानेजर्स क्लब कैलालीको प्रथम साधारण सभा टीकापुर स्थित जनकल्याण बचत तथा ऋण सहकारी संस्थाका व्यवस्थापक छबिलाल जैशीको अध्यक्षता  नयाँ नेतृत्व चयन गर्दै शनिबार  सुखडमा सम्पन्न भएको छ । 

आगामी दुई बर्षका लागि निर्विरोध चयन भएको कार्यसमितिको उपाध्यक्षमा तिलाकर्णाली बचत तथा ऋण सहकारीका व्यवस्थापक लालबहादुर भण्डारी र अन्नपूर्ण बचत तथा ऋण सहकारीका व्यवस्थापक नवराज न्यौपाने  रहेका छन् । त्यसैगरी महासचिवमा आदर्श बहुउदेश्यीय  सहकारीका व्यवस्थापक रुद्र प्रसाद खनाल, सचिवमा नोबेल बचत तथा ऋण सहकारीका व्यवस्थापक नरेन्द्र टमट्टा र कोषाध्यक्षमा मानाङक बचत तथा ऋण सहकारी संस्था अत्तरीयाका व्यवस्थापक प्रकाश कुमार जोशी निर्वाचित भएका छन् ।

 त्यसैगरी सदस्यहरुमा एकता प्रगतिशिल बचत तथा ऋण सहकारीका व्यवस्थापक शेर बहादुर बोगटी, चुलिमालिका बचत तथा ऋण सहकारी संस्थाका व्यवस्थापक विष्णु प्रसाद उपाध्याय, संगम बहुउदेश्यीय सहकारीका व्यवस्थापक अमर कुँवर, नमस्ते बचत तथा ऋण सहकारीका व्यवस्थापक विजय चौधरी र सुदूरपश्चिम बहुउदेश्यीय सहकारी सहकारीका व्यवस्थापक टीकाराम जोशी निर्वांंचित भएका छन् ।

निर्वाचित पदाधिकारी तथा सदस्यहरुले शनिबार नै सपथ ग्रहण तथा पदस्थापन गरेका छन् । निर्वाचित पदाधिकारी तथा सदस्यहरुलाई निर्वाचन समिती कृष्ण रावलले सपथ ग्रहण गराएका हुन् । ३ सदस्यीय निर्वाचन समितीमा नेफ्स्कुन धनगढी सेवाकेन्द्र प्रमुख योगेश बोहरा र चुडामणी भट्टराई सदस्य रहेका थिए ।

सो अवसरमा सुदूरपश्चिम प्रदेश भुमि व्यवस्था, कृर्षि तथा सहकारी मन्त्रालय, सहकारी विभागका रजिष्ट्रार गोकुल प्रसाद बोहराले सरकारी, निजी तथा सहकारी क्षेत्र मिलेर मुलुकलाई विकासको गतिमा अघि बढाउने सरकारको नीति अनुरुप सहकारी क्षेत्र पनि  एक खम्बा भएकोले देश विकासको एक तिहाइ जिम्मा सहकारी क्षेत्रले लिुन जरुरी रहेको बताए ।

सहकारी संस्थाहरुले लाखौ करोडौं मुनाफा आर्जन गर्नु भन्दा सदस्यहरुको सेवामा बढी ध्यान दिनुपर्नेमा बोहराले जोड दिए ।

कार्यक्रममा नेफ्स्कुनका संचालक माधव प्रसाद जोशी, राष्ट्रिय सहकारी बैंकका संचालक शिवा थापा, जिल्ला बचत संघ कैलालीका संचालक तथा टीकापुर सहकारी संजालका अध्यक्ष बद्रि प्रसाद भटट्राई, लम्की चुहा सहकारी संजालका अध्यक्ष खगेन्द्र प्रसाद धमाला लगायतले शुभकामना मन्तव्य व्यक्त गरेका थिए । कार्यक्रम   क्लबका अध्यक्ष छबिला जैसीको अध्यक्षतामा भएको थियो ।