बक्तृत्वकलामा हिमाल एकेडेमीकी  निलम पाण्डेय प्रथम

धनगढी । वेष्टर्न क्रिष्टकल एकेडेमीद्धारा ११२ औं अन्तरराष्ट्रिय श्रमिक महिला दिवसको उपलक्ष्यमा मंगलबार आयोजित अन्तर बिद्यालय छात्रा  बक्तृत्वकला प्रतियोगितामा हिमाल एकेडेमीकी  निलम पाण्डेय प्रथम भएकी छिन् ।

लैङ्गिकमैत्री वातावरणका लागि  घर, परिवार, बिद्यालय र सरकारको भुमिका बिषयक बक्तृत्वकला प्रतियोगितामा पाण्डेय प्रथम भएकी हुन् ।

प्रतियोगितामा वेष्टर्न क्रिष्टल एकेडेमीकी  श्रेया भट्टले द्धितीय, मयुर बोर्डिङ्ग स्कुलकी रन्जना बोहराले तृतीय र  ग्ली एकेडेमीकी  चादनी जोशीले सान्त्वना स्थान प्राप्त गरेका छन् ।

 बिजयी प्रतियोगीहरुलाई सेती प्रादेशिक अस्पतालकी पुर्व अध्यक्ष रित भण्डारी बम,  जनकल्याण इङ्गलिश बोर्डिङ्ग  स्कुलका संस्थापक÷प्रिन्सिपल योगेन्द्र हमाल, मानव अधिकार एलायन्सका सुदुरपश्चिम प्रमुख डिल्लीराज जोशी र  हिमाल एकेडेमीकी शिक्षिका लक्ष्मी पन्तले पुरस्कार र प्रमाणपत्र बितरण गरेका थिए ।

सो अवसरमा प्रमुख अतिथि बमले पुरुष र महिलाको सहअस्तित्वको  भावनाको बिकास गर्नु अहिलेको आवश्यकता रहेको बताइन् । लैंङ्गिक मैत्री वातावरण निर्माणमा पुरुषहरुको पनि भुमिका रहने बताउँदै भण्डारी बमले महिलाहरुले निरन्तर प्रयासरत रहनु पर्ने बताइन् ।

वेष्टर्न क्रिष्टल एकेडेमीकी प्रिन्सिपल एवम निजी तथा आवासीय बिद्यालय संगठन नेपाल (प्याब्सन) की केन्द्रिय सदस्य निर्मला कुवरले महिलाहरुको क्षमता बिकास गरेर खुलाउन र समाजमा संवाद गर्न सक्ने बनाउन सहयोग पुगोस् भनेर बक्तृत्वकला प्रतियोगिताको आयोजना गरेको बताइन् ।

 महिलाहरुले अघि बढन पुरुषहरुबाट असल भुमिको अपेक्षा मात्र नगरेर आफुलाइ सक्षम बनाउनु पर्ने समेत प्रिन्सिपल कुवरले बताएन् ।

नेकपा एमाले कैलालीका सदस्य डिल्लीराज जोशीले  लैङ्गिक बिभेद रहित समाजको निर्माणमा अझै थप बहशको आवश्यकता रहेको बताए ।