सहकारी दिवसमा प्रभातफेरि आयोजना गरिने

धनगढी ।  ६५ औं सहकारी दिवस भव्यताका साथ मनाउने निर्णय जिल्ला सहकारी सँघ कैलालीले गरेको छ । ंसंघको कार्यालयमा बुधबार बसेको बैठकले भुमि व्यवस्था, कृषि तथा सहकारी मन्त्रालयबाट संघको कार्यालयसम्म प्रभातफेरि निकाल्ने निर्णय गरेको छ ।

मर्यादित व्यवसायी र प्रविधिमा सहकारी नाराका साथ चैत २० गते सहकारी दिवस मनाइदैछ ।

बैठकले सहकारी दिवसको कार्यक्रम सम्पन्न गर्न १५ सदस्यीय समिति गठन गरेको छ । बैठकमा सहकारीका सञ्चालकहरुको सहभागिता रहेको थियो ।

 संघका उपाध्यक्ष भुपेन्द्र थापाको अध्यक्षतामा भएको उक्त बैठकमा प्रमुख अतिथि राष्टिय सहकारी सँघका पुर्व सञ्चालक भोज बहादुर बम रहेका थिए ।