सेनाको हेलिकोप्टरबाट राहत सामाग्री ल्याउने

दुर्गाथली पहिरो अपडेट

धनगढी,

  बझाङको केदारस्यु गाउँपालिका – ८ स्थित पहिरोमा परेकालाई स्थल मार्गबाट उद्धार तथा राहत पु¥याउन कठिनाई भएपछि बझाङको दुर्गाथलीमा हेलिकोप्टर मार्फत सो सामाग्री पु¥याउने तयारी भइरहेको छ । यस अघि उद्धारका लागि सदरमुकाम चैनपुरबाट हिडेको नेपाली सेनाको गाडी दुर्घटनामा परेको छ ।

  पहिरोका कारण घरवार बिहीन बनेका नागरिकलाई नेपाली सेनाको हेलिकोप्टरबाट राहत सामाग्री ल्याउने तयारी भइरहेको वडा नम्बर ८ का अध्यक्ष गणेश बहादुर बोहराले बताए ।

 ‘स्थल मार्ग हुँदै आएकोे गाडी दुर्घटनामा परेपछि सेनाको मिनी हेलिकोप्टर मार्फत राहत ल्याउने तयारी भइरहेको छ’ वडा अध्यक्ष बोहराले भने–‘घरबार विहीन भएका नागरिकलाई तत्कालै त्रिपाल र केही न्यानो कपडा वितरण गर्दैछौं ।’

  पहिरो गएको स्थान केदार स्यू गाउँपालिका–८ मा हराएका नागरिकसंगै समस्यामा परेका नागरिकलाई राहत सामाग्री ल्याएर हिडेको गाडी केदार स्यू गाउँपालिका १ मा दुर्घटनामा परेका थियो । दर्घटनामा परेर तीन जना नेपाली सेनाका प्रतिनिधी घाइते भए पनि थप विवरण प्राप्त नभएको अध्यक्ष बोहराले बताए । प्रमुख जिल्ला अधिकारी कमलराज भण्डारीले भने सो विषयमा आफुलाई जानकारी नभएको उनले बताए ।

  अविरल बर्षाका कारण आएकोे पहिरोका कारण १८ घर पुरिनुका साथै ७ जना वेपत्ता भएका थिए । वेपत्ता मध्य पाच जनाको शव फेला परेको वडा अध्यक्ष बोहराले बताए ।

   उद्धारमा केदार स्यू संगै छिमेकी दुगर्थाथली गाउँपालिका जनप्रतिनिधी र प्रहरी घटना स्थलमा पुगेका छन् । रेका छन् ।

   वडा अध्यक्ष बाहराका अनुसार पहिरोमा पुरिएका मध्य हाल सम्म ४० वर्षीया राममती जेठारा, उनका १२ वर्षीया छोरा प्रयाग जेठारा, ८० वर्षीय दले जेठारा र १३ वर्षीया सन्तु जेठाराको शव फेला परेको छ । पहिरोमा पुरिएका मध्य हाल सम्म १६ वर्षीया छोरी अस्मिता जेठारा,१५ वर्षीया शान्ति जेठारा र २२ वर्षीय गिरी जेठारा फेला परेका छैनन् ।