चाडवाड नजिकिदा पनि सुनसान बजार

धनगढी । कोरोनाका संक्रमणका कारण व्यापारमा आएको मन्दी संक्रमण कम भएसंगै सुधार हुने अपेक्षा गरेका व्यवसायी चाडवाड सुरु हुदा पनि निरास बनेका छन् ।

कोरोना संक्रमण केही कम भए पनि व्यापारले गति नलगेपछि व्यवयासी निरास बनेका हुन् । ‘हिन्दुहरुका ठुला चाड नजिकिंदा व्यवसाय सुधार हुने अपेक्षा गरिएको थियौ’ न्यु स्टार फुटवेयरका सञ्चालक जगदिशदत्त जोशीले भने, ‘तर अहिले पनि बजार सुनसान छ, व्यापारले गति नलग्दा व्यापार घाटा बढेको बढैछ ।’

कोरोनका कारण धेरैको रोजगारी गमेका कारण व्यापार मन्दि भएको जोशी बताउँछन् । ‘कोरोनाले धरैको रोजगारी गुम्दा आर्थिक समस्यामा परे’ धनगढी होलसेल व्यवसायी संघका सदस्य समेत रहेका जोशीले भने, ‘पछिल्लो समय पेट्रोलियम पदार्थको मुल्य वृद्धिका कारण मानिसलाई खाद्यान्नको जोह गर्न मुस्किल भएको छ, यसको प्रत्यक्ष असर व्यापारमा परेको छ ।’

कोरोना संक्रमणको समयमा समेत राम्रो व्यापार भएको बताउँदै सुनचाँदी व्यवसायी संघ कैलालीका कोषाध्यक्ष प्रेम सेन्चुरीले भने, ‘अहिले त्यो भन्दा पनि व्यापार खस्केको छ, तीजमा व्यापार बढ्ने अपेक्षा गरेका सवै व्यवसायी निरास हुनु परेको छ ।’ कोरोना संक्रमण शुरु हुन अघि तीजको समयमा दैनिक तीन÷४ तोला  सुन व्यापार हुने गरेको उनको स्मरण छ । तर यस पटकको तीजमा दैनिक एक÷डेढ तोला सुन पनि नकटेको उनले बताए । 

‘बैंकले ऋण दिएको छैन,’ सेन्चुरी भन्छन्, ‘महंगि आकासिदा आधारभुत आवश्यकता पुर्ति गर्न नागरिकलाई हम्यहम्य परेको छ, यस्तोमा व्यापार हुने आशा नै छैन ।’

कोरोना संक्रमण कम भएपछि व्यापारमा सुधार हुने अपेक्षा गरेका व्यवसायी नाराण पन्थीले हालसम्म नयाँ सामान ल्याउन नसकेको बताए । ‘व्यापार पहिला भन्दा पनि खस्केको छ’ पन्थीले भने, ‘नयाँ सामान थप्न पैसा उठेकै छैन, बैंकमा जाउँ ऋण पाइदैन ।’ व्यापार सुस्त बनेपछि गत बर्ष ल्याएका सामान समेत बेच्न नसकेको उनले बताए ।

‘गत बर्ष ल्याएका लत्ता पकडा अहिले पनि बेचिरहेको छु’ उनले भने, चिसोमा लगाउने लुगा पनि गत बर्षकै थन्किएका छन् ।’ 

किराना व्यवसायीलाई केही सहज भए पनि अन्य व्यवसायीलाई अहिले समस्यामा रहेका कैलाली उद्योग बाणिज्य संघका अध्यक्ष पुष्पराज कुँवर बताउँछन् । दैनिक उपभोग्य वस्तुको व्यापार भइरहने भएका कारण किराना व्यवसायीलाई त्यति अप्ठ्यारो भएको छैन’ अध्यक्ष कुँवरले भने, ‘अन्य क्षेत्रको व्यापार निरासाजनक छ ।’ 

सरकारले बैंकको ऋण लगानी तत्काल खालेर व्याज घटाउनु पर्ने अध्यक्ष कुँवरको सुझाव छ । बैंकको ब्याजदर चर्को हुँदा धेरै ब्यवसायी अहिले व्याज तिर्न समेत नसक्ने अवस्थामा रहेको उनी बताउँछन् । ‘बजारसम्म पैसा ल्याउन सरकारले तत्काल बंैकलाई ऋण लगानी गर्नु दिनु पर्छ,’ अध्यक्ष कुँवरले भने, सरकारको आफ्नो खर्च गर्ने क्षमता पनि बढाउनु पर्ने देखिन्छ ।’ नेपालको अर्थतन्त्र परनिर्भरमुखी हुँदा पनि यस्तो समस्या भएको अध्यक्ष कुवर बताउँछन् ।