कर्णाली नदीले सर्तकता तह पार गर्‍यो

धनगढी ।  कैलालीको कर्णाली नदीले सर्तकता तह पार गरेको छ । नदीले सर्तकता तह पार गरेका कारण त्यस क्षेत्रका टीकापुर नगरपालिका, जानकी गाउँपालिका, लम्की चुहा लगायतका नदी तटिय क्षेत्रका बासीन्दालाई सर्तकता अपनाउन आग्रह गरिएको छ ।

जोशीपुर गाउँपालिका आपत्तकालिन कार्यसञ्चालन केन्द्रले गाउँपालिका अधिकाँस वडाका बस्तीहरु डुवानको जोखिममा भएपछि उच्च स्थानमा सारिएको जनाएको छ ।

‘जानकी गाउँपालिकाका अधिकंश वडाका बस्तिहरु जलमग्न भएको छ । वडा नम्बर ४ गिरधरपुर बेलपुर र वडा नम्बर ७ फरेला जबलपुर बस्तीका मानिसहरु राति देखि उच्च भवनमा बस्दै आएकाछन’ गाउँपालिकाले सूचना जारी गर्दै भनेको छ –‘कर्णाली र पथरैया नदीमा पानीको सतह बढ्दै सबै जना उच्च सतर्कताका साथ बसिदिन अनुरोध छ ।’

बाढी पूर्वानुमान महाशाखाका अनुसार बिहानको ९ बजेसम्म कर्णाली नदीको सतह १० दशमलब ४ मिटर पुगेको छ । सो नदीको सतह १० मिटर पार गरेमा सर्तकता तह र १० दशमलब ८ मिटर पारे गरेमा खतरा तह मानिएको छ ।