कैलाली ४ मा लेखराजले बलायरलाई ४५२ मतले पछि पारे

धनगढी।  कैलाली  ४ मा प्रतिनिधी सभामा एमालेका उम्मेदवार लेखराज भट्टले  मतान्तर बढाउदै कांग्रेसका बीर बहादुर  बलायरलाई  ४ शय ५२ मतले पछि पारेका छन् ।

अहिलेसम्म भएको गणनामा  भट्ट ६ हजार ४२८ मत पाएका छन् । कांग्रेसका बलायरले ५ हजार ९७६ मत पाएर लेखराज भट्टलाई पछ्याइरहेका छन् ।

कैलाली क्षेत्र नम्बर ४ अन्तर्गत पर्ने महोन्याल ५ , चुरे गाउँपालिका को गणना सकिएको छ । अहिले गोदावरीका वडाहरुको मत को गणना जारी रहेको छ ।

मतगणना हिजो देखी गेटा मेडिकल कलेजमा जारी रहेको छ । मंसिर ४ मा सम्पन्न निर्वाचनमा यस क्षेत्रमा ६४ हजार १५८ मत खसेको थियो ।