रोकिराखेको टयाक्टरलाई ठक्कर दिदा मोटरसाइकल चालकको मृत्यु

धनगढी ।  कैलालीको गोदावरी नगरपालिका ७ हरैया स्थित पुर्व पश्चिम राजमार्गमा मोटरसाइकलले रोकी राखेको ट्याक्टरलाई ठक्कर दिँदा एक जनाको ज्यान गएको छ । पुर्वबाट पश्चिमतर्फ जादै गरेको से ७ प ७७९३ नम्बरको मोटरसाइकलले सोही ठाउँमा रोकेर राखेको सुपप्र ०१–००२ त ६४६४ नम्बरको ट्याक्टरमा ठोक्किएर दुर्घटना भएको हो ।

दुर्घटना हुँदा मोटरसाइकलका चालक कञ्चनपुरको कृष्णपुर नगरपालिका ८ राजघाट २३ वर्षीया राजकुमार चौधरीको मृत्यु भएको जिल्ला प्रहरी कार्यालय कैलालीले जनाएको छ । दुर्घटनामा घाइते भएका उनको सेती प्रादेशिक अस्पतालमा उपचारका क्रममा मृत्यु भएको जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले बताए ।