हत्या आरोपमा पक्राउ परेका युवक प्रहरी थुनाबाट हत्कडी सहित फरार

धनगढी,

 हजुर आमाको हत्या गरेको आरोपमा पक्राउ परेका एक जना युवक प्रहरीको थुनाबाट  हत्कडी  सहित  फरार  भएका छन् ।

 बुधबार बिहान  पक्राउ परेका चुरे गाउँपालिका वडा नम्बर ६ भावरका २३ बर्षीय गणेशबहादुर ऐर बुधबार राती हत्कडी सहित थुनाबाट भागेका हुन् ।

 ईलाका प्रहरी कार्यालय फल्टुडेको नियन्त्रणमा रहेका ऐर खाना खाने बेला हत्कडी सहित भागेको कैलालीका प्रमुख प्रहरी उपरिक्षक अनुपम शमशेर जबराल बताए ।

 उनको खोजीका लागि कैलाली प्रहरीका प्रवक्ता प्रहरी नायब उपरिक्षक प्रतिक विष्ट नेतृत्वको प्रहरी टोली परिचालन गरिएको प्रहरी उपरिक्ष जबराले  जानकारी दिएका छन् । ऐर ७५ बर्षीया हजुरआमा पार्वतीदेवीको हत्या आरोपमा बुधबार बिहान पक्राउ परेका थिए ।

 उनले हजुर आमाको मंगलबार दिउसो फलामको रड र धारीलो हतियार प्रहार गरी हत्या गरेको प्रहरीले जनाएको छ ।