नेपाल भारत सम्वन्ध सुदृढीकरणमा जोड

धनगढी । राष्ट्रिय एकता अभियानको आयोजनामा  बिकासका क्षेत्रमा नेपाल  भारत सहकार्य बिषयका बिचार गोष्ठी धनगढीमा सम्पन्न भएको छ ।

सो अवसरमा  अभियानका अध्यक्ष बिनय यादवले नेपाल र भारतबीचको उत्कृष्ठ द्धिपक्षीय सम्वन्धलाई अझै अगाडी बढाउन आवश्यक रहेको बताएका छन् ।

शान्तिपुर्ण सहअस्तित्व, सार्वभौभ समानता र एक अर्काको आकांक्षा र  संवेदनशीलतालाई बुझ्ने सिद्धान्तप्रतिको प्रतिवद्धता सम्वन्धको बलियो आधार भएको बताउदै यादवले अन्तरराष्ट्रिय मन्चहरुमा नेपाल र भारतको साझा धारणा रहनु बलियो सम्वन्धको उदाहरण भएको बताए ।

 लायन्स क्लब  इन्टरनेशनल डिष्टिक्ट ३२५बी एनका डिष्टिक्ट गभर्नर सी बी चन्दले स्थानीय र राष्टिय तहमा नेपाल र भारतबीच   असल सम्वन्ध रहेको उल्लेख गर्दै सबै नागरिकले सम्वन्धका आधार थाहा पाएर धारण बनाउनु पर्ने बताए ।

नेपाली संस्कृति परिषद अन्तरराष्ट्रिय समितिका महासचिव हर्क स्वारले नेपाल र भारतबीच जनस्तरमा र राष्ट्रस्तरमा पनि सुमधुर सम्वन्ध रहेको बताए । सामाजिक सांस्कृतिक रुपमा रहेको सम्वन्धको आधार जनस्तरमा नै फैलिएको भन्दै स्वारले दुवै देशबीचको सम्वन्ध अझै घनिष्ट हुनु पर्ने बताए ।

 ललित थापाले संचालन गरेको उक्त कार्यक्रम हर्क स्वारको सभापतित्वमा सम्पन्न भएको थियो ।  कार्यक्रममा क्याम्पसका बिद्यार्थी र शिक्षकहरुको सहभागिता रहेको थियो ।