भोलि (फागुन ) १ मा जनयुद्ध दिवसको सार्वजनिक बिदा

काठमाडौं । सरकारले फागुन १ गते सार्वजनिक बिदा दिने भएको छ । जनयुद्ध शुरु भएको दिनको सम्झनामा आइतबार दिउँसो प्रधानमन्त्री तथा मन्त्रिपरिषदको कार्यालय सिंहदरबारमा बसेको मन्त्रिपरिषदको बैठकले फागुन १ मा सार्वजनिक विदा दिने निर्णय गरेको हो ।

कर्णाली प्रदेश सरकार र बागमती प्रदेश सरकारले यसअघि नै फागुन १ गते जनयुद्ध दिवसको अवसरमा सार्वजनिक बिदा दिने निर्णय गरिसकेका छन् ।

वि.सं. २०५२ फागुन १ गतेबाट सुरू भएको जनयुद्ध २०६३ मंसीर ५ गते विस्तृत शान्ति सम्झौतामा रूपान्तरण भएको थियो । त्यही जनयुद्धको जगमा नेपालमा राजनीतिक परिवर्तन सम्भव भएको थियो भने गणतन्त्र, संघीय प्रणाली, समावेशी लोकतन्त्र, सामाजिक न्यायजस्ता उपलब्धि जनयुद्ध र जनआन्दोलनको बलमा नै स्थापित भएका थिए ।