बाघको छाला सहित २ जना पक्राउ

धनगढी । कैलालीको गोदावरी नगरपालिकाबाट प्रहरीले बाघको छाला सहित दुई जनालाई पक्राउ गरेको छ ।  बिशेष सुचनाका आधारमा सुदूरपश्चिम प्रदेश प्रहरी कार्यालय धनगढी र ईलाका प्रहरी कार्याय मालाखेतीबाट खटिएको प्रहरी टोलीले  सोमबार बिहान उनीहरुलाई पक्राउ गरेको हो ।

जिल्ला प्रहरी कार्यालय कैलालीका अनुसार पक्राउ पर्नेमा अछाम जिल्लाको चौरपाटी नगरपालिका ५ का बर्ष १८ का सुवास बोहरा र बर्ष १७ का सुनिल बोहरा रहेका छन् ।

बिशेष सुचनाका आधारमा खटिएको प्रहरीले  चेकजाच गर्दा उनीहरुबाट बाघको छाला ( पुच्छरम्मको लम्बाई ३ फीट, चौडाई ५ इन्च ) १ थान बरामद गरिएको हो । उनीहरुलाई पक्रायपछि थप अनुसन्धा भैरहेको जिल्ला प्रहरी कार्यालय कैलालीले जनाएको छ ।