बारमा बियरको बोतल प्रहार गर्ने पक्राउ

धनगढी

 धनगढी स्थित बारमा भएको विवाद उत्कर्षमा पुग्दा बिएरको बोतलले हानेर फरार भएका एक जनालाई प्रहरीले पक्रउ गरेको छ ।

 जिल्ला प्रहरी कार्यालय कैलालीका अनुसार पक्राउ पर्नेमा चुरे गाँउपालिका–१ घर भई हाल धनगढी–१ बुद्धमार्गमा बस्दैआएका २१ बर्षे गणेश सिंह भन्ने जेनसिंह ठकुरी रहेका छन् ।  पक्राउ परेका सिंहले धनगढी स्थित किङ कोब्रा बारमा सामान्य विवादकै विच चुरे गाउपालिका–१ बस्ने भोज बहादुर बमको टाउकोमा बियरको बोतल प्रहार गरेका थिए ।

 उनले सोही बारमा भारतको लखिमपुर खिरी बस्ने सल्मान सेलमानी समेतलाई गालीगलौज तथा अभद्र व्यवहार गरेको भन्ने गुनासो समेत आएको जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टले बताए ।

 पक्राउ परेका सिंहमाथी ज्यान मार्ने उद्योग र सार्वजनिक हित विरुद्ध कसुर अपराध मुद्दामा दर्ता भएको प्रहरी नायव उपरिक्षक विष्टले बताए ।