ट्रक दुर्घटनामा एकजनाको मृत्यु

धनगढी

     आईतबार राती ट्रक दुर्घटनामा हुँदा एकजनाको मृत्यु भएको छ । धनगढीबाट बझाङ जादै गरेको  से १ ख १७३१ नम्बरको सरिया सिमेन्ट बोकेको ट्रक दुर्घटना हुँदा एकजनाको मृत्यु भएको प्रहरीले जनाएको छ ।

   भीमदत्त राजमार्ग अन्तरगत कैलालीको चुरे गाउँपालिका वडा नम्बर ३ मा गएराती ट्रक दुर्घटना भएको जिल्ला प्रहरी कार्यालय कैलालीका प्रहरी नायब उपरिक्षक प्रतिक विष्टले  जानकारी दिए । उनका अनुसार दुर्घटनामा परी गम्भीर घाईते भएका बझाङको बुङगल नगरपालिका २ का अन्दाजी रामबहादुर बोहरालाई उपचारको लागि सेती अस्पताल ल्याउँदै गर्दा बाटोमा मृत्यु भएको हो ।

    दुर्घटनामा परी बझाङका नारदसिह धामी घाईते भएका   छन् । ट्रक आफै अनियन्त्रित भएर दुर्घटनामा परेको प्रहरीले जनाएको छ । चालक बुङ्गल नगरपालिका १ का ३२ वर्षीय कलक धामीलाई प्रहरीले नियन्त्रणमा लिएको प्रहरी नायव उपरिक्षक बिष्टले बताए ।