एनसेलको ‘हरेक दिन सरप्राइज सबैलाई स्योर : गोमा कुमारी खरालले जितिन् स्कुटर

धनगढी । एनसेल आजियाटा लिमिटेडले सञ्चालनमा ल्याएको ‘हरेक दिन सरप्राइज सबैलाई स्योर–प्राइज’ योजना अन्तर्गत सुर्खेतकी गोमा कुमारी खरालले स्कुटर जीतेकिछन् ।

एनसेलको बम्पर योजना अन्तरगत खराललाई स्कुटर पुरस्कार वितरण गरिएको हो । यो योजना एनसेलको ब्रान्ड प्रतिबद्धता ‘हामी तपाईंकै लागि’ अन्तर्गत संचलान गरिएका पहलहरू मध्ये एक हो । धनगढी स्थित एनसेल सेन्टरमा मंगलबार आयोजित विशेष कार्यक्रमका अवसरमा चर्चित अभिनेत्री केकी अधिकारीले खराललाई बम्पर पुरस्कार हस्तान्तरण गरेकीहुन् ।

भदौ ३१ देखि २८ दिनसम्म संचालनमा रहेको ‘हरेक दिन सरप्राइज सबैलाई स्योर–प्राइज’ योजनामा प्रत्येक ग्राहकलाई दैनिक स्योर प्राइज प्रदान गरिएको थियो र एनसेल सम्बन्धी उत्कृष्ट नारा पठाउने एक हजार ग्राहकहरुलाई हरेक हप्ता रु एक सय बराबरको बोनस ब्यालेन्स प्रदानगरिएको थियो । 

‘एनसेलले आफ्ना ग्राहकहरु प्रति देखाएको यो अपनत्वको साक्षीबन्दै यस विषेश योजनाको बम्पर पुरस्कार हस्तान्तरण कार्यक्रममा सहभागी हुनपाउँदा धेरै खुसी छु,’ अभिनेतृ अधिकारीले भनिन्, ‘एनसेलका यी र यस्ता कार्यक्रमलेनै नागरिकले यो कम्पनिलाई औधि रुचाएका छन्, स्कुटर विजेता खराललाई बधाई छ ।’ स्कुटर जितेपछि खरालले आफु निक्कै खुशी भएको प्रतिक्रिया दिइन् । ‘पहिला यो अफरबारे सुन्दा विश्वास नै लागेको थिएन,’  तर पनि एनसेलको सीमनै प्रयोग गरियो, अहिले म आफैले सेवाको साथै यति ठूलो पुरस्कार पाउँदा धेरै खुशी लागेको छ, एनसेललाई धन्यबाद ।’

यस योजना अन्तर्गत दैनिक रुपमा ग्राहकहरुलाई प्रदानगरिएको स्योर प्राइजमा डिजिटल सेवाहरू, ब्यालेन्स, डाटा, टक टाइम र एसएमएसहरु रहेका थिए । साप्ताहिक बोनस ब्यालेन्स र बम्पर पुरस्कारका लागि योग्यहुन ग्राहकले सर्त अनुसार एनसेलको बारेमा एउटा नारा पठाएका थिए । साप्ताहिक बोनस ब्यालेन्स र बम्पर पुरस्कारका विजेताहरू क्रिएटिभ एजेन्सी मार्फत गरिएको नाराहरुको मूल्याङ्कन र विजेता छनोट प्रक्रियाको एक अडिट फर्मद्वारा गरिएको परीक्षणको आधारमा छानिएका थिए ।

यस योजना अन्तर्गत एनसेलले बम्पर पुरस्कार स्वरूप ७ जना विजेतालाई स्कुटर उपलब्ध गराउने घोषणा गरेको थियो । जस अन्तरगत मंगलबार नै विराटनगर र हेटौँडास्थित एनसेल सेन्टरमा आयोजित छुट्टा÷छुट्टै कार्यक्रममा पनि अन्य २ बम्पर पुरस्कार विजेतालाई स्कुटर हस्तान्तरण गरिएको छ ।

विराटनगरमा सुनसरीका रोहन शर्मालाई र हेटौडामा चितवनकी रिना ढकाललाई स्कुटर हस्तान्तरण गरिएको थियो । बाँकी चार जना विजेताले बुधबार र बिहीबार आफ्नो बम्पर पुरस्कार प्राप्त गर्नेछन् । ४५ हजार भन्दा बढी नाराहरु पठाई योजनालाई सफल बनाईदिएकोमा एनसेलले आफ्ना ग्राहकलाई आभार प्रकट गरेको छ ।

यसैबीच एनसेलले मंगलबार दिउँसो धनगढी स्थित एनसेल सेन्टरमा ग्राहक भेटघाट कार्यक्रमको पनि आयोजना गरेको छ । छलफलका क्रममा नायिका केकी अधिकारीले एनसेल सेन्टरमा आएका ग्राहकहरुसँग अन्तरक्रिया गर्नुका साथै रु. एक सय भन्दा बढीको रिचार्ज गर्ने ग्राहकहरुलाई एनसेलका विभिन्न उपहारहरु प्रदान गरेकीथिइन् ।