जोशीपुर गाउँपालिकाका सूचना अधिकारी घुस सहित पक्राउ

धनगढी

    कैलालीको जोशीपुर गाउँपालिकाका सुचना अधिकारीलाई अख्तियारको टोलीले सेवाग्राहीबाट लिएको घुस सहित पक्राउ गरेको छ  ।

     गाउँपालिकाका सूचना अधिकारी शिद्धराज जोशीलाई ८५ हजार घुस सहित अख्तियारको टोलीले मंगलबार कार्यालयबाटै पक्राउ गरेको हो । अख्तियार दुरुपयोग अनुसन्धान आयोग कञ्चनपुरका प्रबक्ता टोपबहादुर बिष्टले प्रहरी निरीक्षक अनिल गिरीको नेतृत्वको टोलीले पक्राउ गरेको जानकारी  दिए ।

      उनका अनुसार अख्तियारको टोली सोमबार नै जोशीपुर गाउँपालिका पुगेको र गाउँपालिकाका सुचना अधिकारी जोशीले सेवाग्राहीबाट लिएको घुस आफ्नो कार्यकक्षमै छोडेर भागेको थिए । अख्तियारको टोलीले जोशीले घुस लिएको पैसा ८५ हजार सोमबार नै जफत गरेको र सुचना अधिकारी जोशीलाई मंगलबार पक्राउ गरेको  अख्तियार प्रबक्ता बिष्टले जानकारी दिए ।

    प्रबक्ता बिष्टका अनुसार पक्राउ परेका जोशीलाई आजै महेन्द्रनगर स्थित अख्तियार कार्यालय ल्याईएको र उनलाई अख्तियारको केन्द्रिय कार्यालय पठाईने र उतैबाट थप अनुसन्धान हुनेछ । सुचना अधिकारी जोशीले तालिममा सहजिकरण गरेको भन्दै घुस लगेको बुझिएको छ ।