म्यानेजर्स  क्लब कैलालीको अध्यक्षमा भण्डारी चयन

धनगढी । सहकारी संस्थाका व्यवस्थापकहरुको संस्था कोअपरेटिभ्स म्यानेजर्स क्लब कैलालीको तेश्रो बार्षिक साधारण सभा तिला कर्णाली सहकारी साडेपानीका व्यवस्थापन लाल बहादुर भण्डारीको अध्यक्षतामा नया कार्यसमिति चयन गर्दै सम्पन्न भएको छ ।

साडेपानीमा भएको  साधाण सभाले उपाध्यक्षमा अन्नपूर्ण साकोस लम्कीका व्यवस्थापक नवराज न्यौपाने र उपाध्यक्षमा आदर्श बहुउद्देश्यीय सहकारी फुलवारीका व्यवस्थापक रुद्रप्रसाद खनाल, महासचिवमा नोबेल साकोस टीकापुरका व्यवस्थापक नरेन्द्र टमट्टा, सचिवमा संगम बहुउद्देश्यीय सहकारी अत्तरीयाका व्यवस्थापक अमर कुवँर र कोषाध्यक्षमा सुदुरपश्चिम बहुउद्देश्यीय सहकारी धनगढीका व्यवस्थापक टिकाराम जोशीलाई निर्विरोध चयन गरेको छ ।

त्यस्तै १३ जना सदस्यहरु कैलाली जिल्लामा रहेका १३ वटा पालिका अध्यक्षहरु पदेन सदस्य रहने व्यवस्था रहेको छ । नवनिर्वाचित कार्य समितिको पहिलो बैठकले संस्थापक अध्यक्ष छबिलाल जैशीको संयोजकत्वमा ५ सदस्यीय सल्लाहकार समिति गठन गरेको छ । समितिका सदस्यहरुमा चन्द्रकान्त खनाल, प्रकाश कुमार जोशी, योगेश बोहरा र दिनेश गेलाल रहेका छन् ।