मोटरसाइकल दुर्घटनामा एक जनाको मृत्यु

धनगढी

  मोटरसाइकल दुर्घटना हुँदा एक जनाको मृत्यु भएको छ ।  कंचनपुरको कृष्णपुरमा भएको दुर्घटनामा परि तीन जना घाईते भएका छन् । 

    पूर्वपश्चिम राजमार्गको कृष्णपुरमा से ५ प २१४४ नम्वरको मोटरसाईकल र म १ प ७५५७ नम्वरको मोटरसाईकल एक आपसमा ठोक्किदा एक जनाको मृत्यु भएको जिल्ला प्रहरी कार्यालय कंचनपुरले जनाएको छ ।

   जिल्ला प्रहरी कार्यालय कञ्चनपुरका प्रबक्ता एबं प्रहरी नायव उपरिक्षक अमरवहादुर थापाक्षेत्रीका अनुसार म १ प ७५५७ नम्वरको मोटरसाईकलमा सवार कृष्णपुर नगरपालिका वडा नम्वर ४ का ६० बर्षीय पदमराज भट्टको मृत्यु भएको हो । मोटरसाईकलका चालक राजेन्द्र भट्ट पनि गम्भिर घाईते भएका छन् । उनको कोहलपुर मेडिकल कलेजमा उपचार भईरहेको  छ ।

  अर्को से ५ प २१४४ नम्वरको मोटरसाईकलमा सवार कृष्णपुर नगरपालिकाकी देवकी ठगुन्ना पनि घाईते भएकी प्रहरी नायब उपरिक्षक थापाक्षेत्रीले बताए । उनको धनगढीमा उपचार भईरहेको छ भने सोही मोटरसाईकलका चालक धनवहादुर ठगुन्नालाई प्रहरीले नियन्त्रणमा लिएको छ ।  मंगलबार मात्र सोही सडकमा मोटरसाईकल दुर्घटना हुादा सशस्त्र प्रहरीमा कार्यरत महिला प्रहरीको मृत्यु भएको थियो भने उनका श्रीमान घाईते भएका थिए ।