एम्बुलेन्स र मोटरसाइकल ठोक्किदा दुई जना घाईते

धनगढी एम्बुलेन्स र मोटरसाइकल एकआपसमा ठोक्किदा दुई जना घाईते भएका छन् । कैलाली जिल्लाको गौरीगंगा नगरपालिका स्थित राजमार्गमा बिहिवार राति एम्बुलेन्स र मोटरसाइकल ठोक्किदा दुई जना घाईते भएका जिल्ला प्रहरी कार्यालय कैलालीले जनाएको छ । पूर्वबाट पश्चिम तर्फ आईरहेको से १ च १९५० नम्वरको एम्बुलेन्स र पश्चिमबाट पूर्व गईरहेको से २ प ७८३३ नम्वरको मोटरसाइकल एकआपसमा ठोक्किदा दुर्घटना भएको जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टले बताए । उनका अनुसार मोटरसाइकल चालक गौरीगंगा नगरपालिका वडा नम्वर ९ बस्ने २८ बर्षीय अनिल देउवा र मोटरसाइकलमा सवार सोही ठाउँका ३२ बर्षीय ललित बोहरा घाईते भएका हुन् । उनीहरुको गौरीगंगा अस्पतालमा उपचार भईरहेको र एम्बुलेन्स र चालक डडेल्धुरा गन्यापधुराका गणेश मल्ललाई नियन्त्रणमा लिएको प्रहरीले जनाएको छ ।