कैलालीमा भारी बर्षाको संभावना, सचेत रहन आग्रह

धनगढी

 कैलाली आज भारी बर्षाको सम्भावना रहेको भन्दै सचेत रहन आग्रह गरिएको छ ।

 जल तथा मौसम पूर्वानुमान महाखा काठमाण्डौंका अनुसार बंगालको खाडीबाट आएको वास्फयुक्त मनसुनी न्यून चापिय रेखा नेपाल तर्फ बढेका कारण कैलाली संगै सुदूरपश्चिमका विभिन्न स्थानमा भारी बर्षाको संभावना रहेको छ । बर्षाका कारण नदीमा पानीको वहाव बढ्ने हुँदा जोखिम युक्त स्थानका नागरिकले सचेत हुनुपर्ने मौसम विद विभुती पोख्रेलले बताए । मनसुनी न्युन चापीय रेखा नेपालको तराई भूभागदेखि केही दक्षिण तिर रहेकाले नेपालमा मनसुन सक्रिय बनेको मौसम विद पोख्रेलले बताए ।

 राष्ट्रिय विपद् जोखिम न्युनीकरण तथा व्यवस्थापन प्राधिकरणले पनि लगातार पानी पर्ने भएकाले शतर्कता अपनाउन आग्रह गर्दै सुचना जारी गरेको छ । लगातारको झरीले देशैभरीका नदीमा बहाव बढ्न सक्ने भएकाले सावधानी अपनाउन आग्रह गरिएको छ । अहिले देशभर सामान्य बदली रही धेरै स्थानमा हल्कादेखि मध्यम वर्षा भइरहेको महाशाखाले जनाएको छ ।

 आज दिउँसो देशभर सामान्य बदली रही धेरै स्थानहरुमा हल्का देखि मध्यम वर्षाको सम्भावना रहेको महाशाखाले जनाएको भनाइ छ । लगातारको वर्षाले बाढी पहिरो जान सक्ने सम्भावना भएकाले सबैलाई सतर्क रहन भनिएको छ ।