आज देशभर १५६ जना कोरोना संक्रमित थपिए

काठमाडौँ

   नेपालमा पछिल्लो २४ घण्टा थप १५६ जनामा कोरोना भाइरसको संक्रमण पुष्टि भएको छ ।

  आज स्वास्थ्य तथा जनसंख्या मन्त्रालयको नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा देशभर १५६ जना नयाँ संक्रमित थपिएको र ५८ जना कोरोना संक्रमित डिस्चार्ज भएको जानकारी  दिए ।

  आज १५६ जना थपिए संगै नेपालमा कोरोना संक्रमितको कुल संख्या १७ हजार ६ सय ५८ पुगेको छ । हाल सम्म डिस्चार्ज हुनेहरुको संख्या ११ हजार ६ सय ९५ पुगेको मन्त्रालयले जानकारी दिएको छ ।

   देशभरका २७ वटा प्रयोगशालामा पछिल्लो २४ घण्टामा ३ हजार ७ सय ४१ जनाको पीसीआर परीक्षण गरिएको स्वास्थ्य मन्त्रालयले जनाएको   छ ।