२४ घण्टामा ३१४ जनामा कोरोना पुष्टि

धनगढी,

     नेपालमा थप ३ सय १४ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङ मार्फत बितेको २४ घण्टामा तीन सय १४ जनामा कोरोना संक्रमण पुष्टी भएको जनाएको छ ।

    सोमबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर     गौतमले २ सय ९४ पुरुष र २० जना महिला गरी कुल ३ सय १४ जनामा कोरोना संक्रमण पुष्टि भएको जानकारी दिए ।

    आज थपिएका संख्यासँगै नेपालमा कोराना संक्रमितको संख्या ३ हजार ७ शय ६२ पुगेको  । अहिलेसम्म ४ शय ४८ जना निको भएर घर फर्किसकेका छन् भने १४ जनाको मृत्यु भएको छ ।