धनगढीबाट लागूऔषधसहित तीन जना पक्राउ

धनगढी । धनगढीबाट लागूऔषधसहित तीन जना पक्राउ परेका छन्। धनगढी उपमहानगरपालिका–७ जोख्खर तालमा धनगढी उपमहानगरपालिका–१६ का २६ वर्षीय किरण जोशीले चलाएको मोटरसाइकल चेकजाँच गर्दा उक्त मोटरसाइकलमा सवार धनगढी उपमहानगरपालिका–१६ का ३१ वर्षीय अकिंत चौधरी र धनगढी उपमहानगरपालिका–६ बस्ने २६ वर्षीय रामभजन राना पक्राउ परेका छन्।

तीनै जनालाई २०० मिलिग्राम लागूऔषध र मोटरसाइकल थान–१ सहित नियन्त्रणमा लिएको जिल्ला प्रहरी कार्यालय कैलालीले जनाएको छ।

जिल्ला प्रहरी कार्यालय कैलालीका अनुसार तीन जना मध्येबाट रामभजन राना जिल्ला अदालत कैलालीको फैसलाले चोरी मुद्दामा एक लाख ४९ हजार ३७५ जरिवाना तोकिइ फरार रहेको प्रतिबादिसमेत खुलेको छ। सो सम्बन्धमा थप अनुसन्धान भईरहेको जनाएको छ।