आफनै शरिरमा आगो लगाएका आउजीको मृत्यु

धनगढी

 आफ्नै शरिरमा आगो छर्केका बयालपाटा हस्पिटल अछामका पुर्व कर्मचारी सिद्धार्थ आउजीको मृत्यु भएकोछ । कोहलपुर मेडिकल कलेजमा उपचारका क्रममा आउजीको मृत्यु भएको इलाका प्रहरी कार्यालय साफेबगरका प्रमुख नरपति भट्ट जानकारी दिए ।

     आज बिहान आफ्नै शरिरमा आगो लगाएपछि घाइते भएका साफेबगर नगरपालिका वार्ड नं छ भागेश्वरका आउजीलाई हेलिकप्टरबाट कोहलपुर लगिएको थियो । जागीरबाट निकालेपछि छाक टार्न अफठेरो भएको भन्दै आउजीले आफ्नै शरिरमा पेट्रोल छर्केको हुन् । आउजी बिगत दुई बर्षदेखि बयालपाटा अस्पिटलमा सफाई कर्मचारीको रुपमा कार्यरत थिए ।

 बयालपाटा हस्पिटलले आर्थिक संकट परेको भन्दै आउजी सहित ३३ कर्मचारीलाई जागीरबाट हटाएको थियो ।