डोटीको शिखर नगरपालिकामा एकै दिन थपिए ४० संक्रमित

धनगढी

     डोटीको शिखर नगरपालिकामा एकै दिन ४० जनामा कोरोना संक्रमण पुष्टि भएको छ । सोमबार डडेल्धुरा अस्पतालमा गरिएको परिक्षणमा शिखर नगरपालिकाका ४० जनामा संक्रमण पुष्टि भएको जिल्ला स्वास्थ्य कार्यालय डोटीका प्रमुख रमेश मलासीले जानकारी    दिए ।

     उनका अनुसार संक्रमण पुष्टि भएका ४० जना शिखर नगरपालिका वडा नंम्बर ५, ७, ८ र १० का क्वारेन्टिनमा रहेका छन् । पुष्टि भएका सबै केही दिन पहिले भारतबाट आएर क्वारेन्टिनमा रहेका स्वास्थ्य प्रमुख मलासीले बताए ।

   आज ४० जना थपिए संगै डोटीमा संक्रमितको संखया ५ सय ८५ पुगेको छ । स्वास्थ्य प्रमुख मलासीका अनुसार यी मध्य ५ सय ३७ जना संक्रमित डिष्चार्ज भएर घर फर्किसकेका छन्, अब आज थपिएका ४० जना र यस अघिका ८ जना मात्र अस्पताल र स्थानीय तहका आईसोलेशनमा रहेका छन् ।