सुदुरपश्चिम प्रदेश सभामा सहभागी भएपछि मन्त्री थापा बर्खास्त

सुदुरपश्चिम प्रदेश सभाको अधिवेशनमा सहभागी भएपछि सुदुपश्चिमका मुख्यमन्त्री दिर्घ बहादुर सोडारीले भुमि व्यवस्था, कृषि तथा सहकारी मन्त्री टीका थापालाई आइतबार बर्खास्त गरेका छन् । सरकारको बैठकमा सहभागी नहुने निती पालना नगरेको भन्दै मुख्यमन्त्री सोडारीले थापालाई मन्त्रीबाट बर्खास्त गरेका हुन् ।

मुख्यमन्त्री सोडारीले  बैठकमा सहभागी नहुन दिएको निर्देशन अवज्ञा गर्दै  मन्त्री थापा आइतबार भएको प्रदेश सभाको बैठकमा  सहभागी भएकी थिइन् । यसअघि साउन ८ गते भएको प्रदेश सभाको बैठकमा पनि मन्त्री थापा सहभागी भएकी थिइन् ।

बैठकमा हभागी भएपछि आइतबार बेलका मुख्यमन्त्री सोडारीले मन्त्री थापालाई बर्खास्त गरेका हुन् ।

मुख्यमन्त्री सोडारीले प्रदेश सभा छलेर बजेट अध्यादेश ल्याउने तयारी गरेपछि कांग्रेस र नेकपा एमालेका प्रदेश सभा सदस्यहरुले प्रदेश सभाको बिशेष अधिवेशनको माग गरेका हुन् । दुवै पार्टीका २५ प्रदेश सभा  सदस्यको मागेपछि प्रदेश  प्रमुखले प्रदेश सभाको बिशेष अबिधेशन बोलाएका हुन् । प्रदेश सभाको बिशेष अधिवेशन आव्हान भएपछि मुख्यमन्त्री सोडारीले बजेट अध्यादेश ल्याउन पाएका छैनन् ।

सरकारको तर्फबाट प्रदेश सभामा कोही पनि उपस्थित हुन नदिएर संसद् अगाडि बढ्न नदिने मुख्यममन्त्री सोडारीको योजना रहेको थियो ।  तर मन्त्री थापा  सहभागी  भएपछि प्रदेश सभा संचालन भएका थिए ।

मन्त्री थापाले जनताको आवाज उठान संसद् आएको बताइन् । संसदमा उपस्थित भएको भन्दै आफूलाई पदबाट हटाएको उनले बताइन् ।

असार १ गते प्रदेश सभाको पेश गरेको चालु आर्थिक बर्षको बजेट  पारित गर्न नसकेपछि मुख्यमन्त्री सोडारीले बजेट अधिवेशन अन्त्य गरेर बजेट अध्यादेश ल्याउन खोजेको थिए । तर कांग्रेस र एमालेको मागले बिशेष अधिवेशन संचालन भएपछि बजेट अध्यादेश ल्याउने बाटो रोकिएको हो ।

बजेट पारित हुन नसकेपछि अहिले सुदुरपश्चिममा शुन्य बजेट छ । सुदुरपश्चिम प्रदेशको राजश्व संकलन  रोकिएको छ, सरकारले खर्च पनि पाइरहेको छैन ।

सरकारलाई गरेको समर्थन नेकपा एमालेले फिर्ता लिएपछि मुख्यमन्त्री सोडारी अल्पमतमा परेका छन् ।  अल्पमतमा परेपछि ३० दिनभित्र बिश्वासको मत लिनु पर्छ । मुख्यमन्त्री सोडारीले अहिलेसम्म बिश्वासको मत लिने प्रस्ताव प्रदेश सभामा पेश गरेका छैनन् ।