नेपालमा ७० प्रतिशत बढी कोरोना संक्रमित डिस्चार्ज

धनगढी

 नेपालमा ७० प्रतिशत बढी कोरोना संक्रमित संक्रमण मुक्त भएर घर फर्केका छन् । स्वास्थ्य तथा जनसंख्या मन्त्रालयका अनुसार बिहीबारसम्म नेपालमा १२ हजार ८ सय ४० जना कोरोना भाइरसबाट मुक्त भएका छन् । जुन संख्यो ७० दशमलव ३९ प्रतिशत हो ।

 स्वास्थ्य तथा जनसंख्या मन्त्रालयका प्रबक्ता डाक्टर जागेश्वर गौतमा अनुसार हाल सम्म प्रदेश १ बाट ७ सय ६०, प्रदेश २ बाट २ हजार ८ सय ४०, बागमतीबाट ४ सय ५८, गण्डकीबाट एक हजार ९५, प्रदेश ५ बाट तीन हजार ८ सय ६८, कर्णालीबाट एक हजार ५ सय ८३ र सुदूरपश्चिम प्रदेशबाट दुई हजार २ सय ३३ जनाले कोरोना संक्रमण मुक्त भएर घर फर्केका छन् ।

 प्रवक्ता गौतमका अनुसार बिहीबार देशका विभिन्न अस्पतालमा निर्माण गरिएका आइसोलेसनमा सक्रिय संक्रमितको संख्या पाँच हजार ३ सय ५८ रहेको छ । आइसोलेसनमा रहने विरामीहरुमा प्रदेश १ मा १ सय २४, प्रदेश २ मा एक हजार ८ सय ९७, बागमती प्रदेशमा ४ सय २७, गण्डकी प्रदेशमा ३ सय २४, प्रदेश ५ मा ३ सय ४४, कर्णालीमा प्रदेशमा ३ सय ४ र सुदूरपश्चिम प्रदेशमा एक हजार ९ सय ३८ जना रहेका प्रबक्ता गौतमले बताए ।