कैलालीमा थप ८ जनामा कोरोना संक्रमण पुष्टि

धनगढी

 कैलालीमा पछिल्लो २४ घण्टाको अवधीमा थप ८ जनामा कोरोना संक्रमण पुष्टी भएको छ । धनगढी स्थित सेती प्रादेशिक अस्पतालको कोरोना परिक्षण प्रयोगशालामा गरिएको परिक्षणमा कैलालीका थप ८ जनामा कोरोना पुष्टि भएको हो ।

 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार टीकापुर नगरपालिका–४ का तीन पुरुष, वडा नम्वर ३ का दुई पुरुष र वडा नम्वर १ का एक पुरुषमा कोरोना पुष्टि भएको छ । यस्तै जानकी गाउँपालिका–३ का ३० बर्षीय महिला र १६ बर्षीय पुरुषमा समेत कोरोना संक्रमण पुष्टि भएको सूचना अधिकारी श्रेष्ठले बताए ।

 सेती प्रादेशिक अस्पतालको प्रयोगशालामा पछिल्लो २४ घण्टामा एक सय ४९ जनाको कोरोना परीक्षण गरिएको थियो । योसंगै सुदूरपश्चिममा कोरोना संक्रमितको संख्या चार हजार एक सय ८५ पुगेको छ ।