शुक्रबार थपिए १३३ जना कोरोना संक्रमित

काठमाडौँ

   नेपालमा पछिल्लो २४ घण्टामा १ सय ३३ जनामा कोरोना भाइरसको संक्रमण पुष्टि भएको छ । १ सय ३३ थपिएसंगै नेपालमा कोरोना संक्रमितको कुल संख्या १८ हजार ३ सय ७४ पुगेको छ ।

    शुक्रबार स्वास्थ्य तथा जनसंख्या मन्त्रालयको नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा १ सय ७ जना कोरोना संक्रमित डिस्चार्ज भएको जानकारी   दिए । यससँगै हालसम्म डिस्चार्ज हुनेहरुको संख्या १२ हजार ९ सय ४७ पुगेको छ ।

 पछिल्लो २४ घण्टामा देशभरका विभिन्न प्रयोगशालामा ३ हजार ९ सय ८७ जनाको पीसीआर परीक्षण भएको स्वास्थ्य मन्त्रालयले जनाएको छ ।