एशियन लाइफद्धारा ७ लाख बिमालाभ रकम हस्तान्तरण

धनगढी । एशियन लाइफ इन्स्योरेन्स कम्पनी लिमिटेडले डोटी जिल्लाको जोरायल ४ की  हारादेवी बोहरालाई बिमालाभ  बापत सात लाख दुई हजार  सात शय ९६ रुपैया  प्रदान गरेको छ । छोरी  रोहिता कुमारी बोहराको दुर्घटनामा मृत्यु भएपछि एशियन लाइफ इन्स्योरेन्सको धनगढी शाखाले उनकी आमा हारादेवीलाई बिमालाभ बुधबार प्रदान गरेको हो ।

एशिशन लाइफ इन्स्योरेन्सका सुदुरपश्चिम प्रदेश प्रमुख गणेश बहादुर साउदले बुधबार एशिनयको धनगढी शाखामा  बिमालाभ रकम हिरादेवीलाई प्रदान गरेका हुन् ।

रोहिता कुमारी बोहराको गत असोज ४ गते दुर्घटनामा मृत्यु भएको थियो । रोहिताले २०७६ को भदौमा ३ लाख ५ हजारको बीमा गरेकी थिइन् । रोहिताले हालसम्म प्रति किस्ता २४ हजार ३ शय ४६ का हिसाबले छ किस्ताको जम्मा १ लाख ४६ हजार ७६ रुपैया बुझाएकी छिन् ।