दार्चुलामा पहिरोमा परि बेपत्ता भएका दम्पतीको शव भेटियो

धनगढी

   दार्चुलामा मंगलबार विहान पहिरोले घर पुरिदा बेपत्ता भएका दम्पतीको शव भेटिएको छ ।

   दुहु गाउँपालिका–३ सल्लेखेतीमा पहिरोले पुरिदा ५० वर्षीय रामदत्त जोशी र उनकी ४५ वर्षीया श्रीमती इन्द्रा जोशी बेपत्ता भएका थिए ।

 दिनभर नेपाली सेना, गाउँले र प्रहरीले बेपत्ता दम्पतीको खोजी गरेका थिए । दुवैको शव फेला परेको जिल्ला प्रहरी कार्यालय दार्चुलाका सूचना अधिकारी सुरेन्द्रप्रसाद जोशीले जानकारी   दिए ।

  मंगलबार विहान ५ वजे घरमाथिबाट आएको पहिरोले घर पुरीदा जोशी दम्पती बेपत्ता भएका थिए भने पहिरोमा १ भैंसी र ४ बाख्रा पनि पुरिएको थियो ।