बाजुरामा पहिरोमा परि १ बेपत्ता

धनगढी

  बाजुरामा पहिरोमा परि एक जना बेपत्ता भएका छन् । बाजुरा जिल्लाको बुढिगंगा नगरपालिका वडा न १ अम्कोटमा पहिरोमा परी एक जना बेपत्ता भएका हुन ।

जिल्ला प्रहरी कार्यालय बाजुराका प्रमुख प्रहरी नायव उपरिक्षक टंकप्रसाद भट्टराईका अनुसार बेपत्ता हुनेमा सोही नगरपालिका वडा न १ अम्कोट निबासी २१ बर्षिया धर्मराज पाध्याय रहेका छन ।

 बाख्रा चराउन गएको बेला माथीबाट आएको पहिरोमा परी अन्य २ जना घाइते भएका छन । घाइते हुनेमा बर्ष १७ का ज्ञानराज पाध्याय र बर्ष १६ का हरेन्द्र पाध्याय रहेको प्रहरी नायव उपरिक्षक भट्राईले बताए । उनले प्रहरी नजिकै रहेकोले तत्काल घाइतेको उद्धार गरेको बताए ।

  वेपत्ता भएका पाध्यायको खोजी कार्य जारी रहेको नायव उपरिक्षक भट्राईले जानकारी दिए ।