कैलालीमा बाढीमा बेपत्ता ३ जना मध्य एकको शब फेला

धनगढी

   कैलालीको भजनीमा बाढीमा बगेर बेपत्ता भएका तीन जना मध्ये एक जनाको शव फेला परेको छ । बुधबार बेपत्ता भएका ३ जना मध्य बिहिवार एक जनाको शव फेला परेको हो ।

  जिल्ला प्रहरी कार्यालय कैलालीका अनुसार अविरल वर्षापछि वेपत्ता भएका भजनी नगरपालिका वडा नं. ८ जनकपुर गाउँका ९ वर्षीय इजीकेल चौधरी मृत फेला परेका हुन ।

 यस्तै, वडा नम्बर ८ बस्ने ३३ वर्षिय चक्र बहादुर विक, काँडाढिक गाउँका ४० वर्षीय ईश्वर शाह भने अझै बेपत्ता रहेका छन । कैलालीका प्रहरी उपरिक्षक अुनपम शमशेर जवराले अन्य वेपत्ताको खोजी कार्य भइरहेको बताए । उनले बुधबार बेपत्ता भएका टंक शाही, हेमन्त शाही, विकी शाह, बल बहादुर चौधरीको सकुशल उद्दार गर्न सफल भएको जानकारी दिए ।