कञ्चनपुरमा अज्ञात समुहद्धारा धारिलो हतियार प्रयोग गरी श्रीमतीको हत्या, श्रीमान घाईते

धनगढी

   कञ्चनपुरको बेलौरी नगरपालिका–७ भगतपुरमा शुक्रबार राति धारिलो हतियार प्रयोग गरी अज्ञात समूहले ५५ वर्षीय बेलु खातीको हत्या गरेको छ ।

  जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापाले हत्या गरिएकी बेलुका श्रीमान पनि गम्भिर घाईते रहेको बताए ।  उनले अज्ञात समूहकै आक्रमणबाट हत्या गरिएका बेलुका श्रीमान ६२ वर्षीय घनश्याम गम्भीर घाइते भएको बताए ।

  गम्भीर घाइते घनश्यामलाई उपचारका लागि धनगढी पठाएको उनले जानकारी दिए ।  प्रवक्ता थापाले घटनाको अनुसन्धान भइरहेको बताए । प्रहरीले घटनाबारे सोधपुछका लागि खातीका छोरा राजेश र स्थानीय दिनेश रानालाई नियन्त्रणमा लिएको छ ।