धनगढी पोष्ट बिहिबार, २१ चैत २०८१   April 3, 2025

सुनगाभा मण्टेश्वरी  स्कुलद्धारा  प्याब्सनका केन्द्रिय सचिव हमाल सम्मानित

सुनगाभा मण्टेश्वरी  स्कुलद्धारा  प्याब्सनका केन्द्रिय सचिव हमाल सम्मानित

धनगढी । गोदावरी नगरपालिका ६ लालपुरमा रहेको सुनगाभा मण्टेश्वरी स्कुलले प्याब्सनका  नवनिर्वाचित केन्द्रिय सचिव यज्ञ बहादुर हमाल (योगेन्द्र ) लाई सम्मान गरेको छ । सुदुरपश्चिम प्रदेशबाट खुला केन्द्रिय सचिवमा निर्वाचित भएर इतिहास रहेको भन्दै सुनगााले स्कुलले हमाललाई सम्मान गरेको हो ।

बिद्यालयका संस्थापक प्रिन्सिपल दिर्घ बहादुर साउदले प्याब्सनका केन्द्रिय सचिव हमाललाई सम्मानित गरेका हुन् ।  सो अवसरमा संस्थापक प्रिन्सिपल साउदले  प्याब्सनमा अहिलेसम्म क्षेत्रगत पदमा मात्र सुदुरपश्चिमबाट निर्वाचित हुदै आएकामा यसपटक खुला सचिवमा निर्वाचित भएर हमालले इतिहास रचेको बताए ।

गोदावरी नगरपालिकाको तेघरी स्थित जनकल्याण इङलिश बोर्डिङ स्कुलका संस्थापक÷प्रिन्सिपल हमाल हालै भएको  प्याब्सनको राष्ट्रिय अधिवेशनमा  खुला केन्द्रिय सचिवमा निर्वाचित भएका थिए । 

सो अवसरमा केन्द्रिय सचिव हमालले प्याब्सनको केन्द्रिय नेतृत्वमा सुुदुरपश्चिमको सहभागिता बृद्धि गर्न आफ्नो  निरन्तर प्रयास रहने बताए । शिक्षामा संस्थागत बिद्यालयहरुको महत्वपुर्ण भुमिका रहे पनि राज्यले अनदेखा गरेको बताउँदै हमालले संस्थागत बिद्यालयहरुले गुणस्रतमा अझै सुधार गरेर  आफुलाई अब्बल सावित गर्नु पर्ने बताए ।

 प्याब्सन सुदुरपश्चिम प्रदेशका पुर्व सहसचिव धर्म देव नौन्यालले  खुला केन्द्रिय सचिवमा सुदुरपश्चिमबाट निर्वाचित हुनु सुदुरपश्चिम  प्रदेशकै लागि गर्वको बिषय भएको बताए ।

 कार्यक्रम संचालन बिद्यालयकी शिक्षिका सुशीला चन्द बमले गरेकी थिइन् ।