करको दायरा बढ्दा राजश्व संकलन भएन

धनगढी । आन्तरिक राजश्व कार्यालय धनगढीले चालु आर्थिक वर्ष २०८१÷०८२ का लागि कर संकलको दायरा बढ्दा लक्ष्य अनुसार राजश्व संकलन गर्न सकेको छैन् ।

सुरुका चार महिनामा लक्ष्य अनुसार राजश्व संकलन गर्न नसकेको आन्तरिक राजश्व कार्यालयले दोस्रो चार महिनाको मंसिरदेखि फागुनसम्म लक्ष्य अनुसार राजश्व संकलन गर्न नसकेको हो । 

आन्तरिक राजस्व कार्यालय धनगढीका प्रमुख कर अधिकृत मोहन सिंह बस्नेतका अनु्सार कर संकलनको लक्ष्य विभागले संसोधन गरेकाले लक्ष्य अनुसार राजश्व संकलन नभएको बताए ।

‘हामीले विभागलाई कर संकलनको लक्ष्य घटाउन माग गरेका थियौँ । तर विभागले बढाएर पठाएकाले लक्ष्य अनुसार कर संकलन गर्न सकेनौँ,’ उनले भने । 

राजश्व कार्यालयको चालु आर्थिक वर्षको सुरुवाती लक्ष्य तीन अर्ब २० करोड ७४ लाख ९१ हजार लक्ष्य रहेको थियो । तर पछि विभागले कर संकलनको राजश्व बढाएर तीन अर्ब ५३ करोड ५८ लाख ५८ हजार लक्ष्य निर्धारण गरेको थियो । सुरुवाती लक्ष्य मध्य ३२ करोड ८३ लाख ६७ हजार थप लक्ष्य वृद्धि भएको थियो ।

दोस्रो चार महिनाको दुई अर्ब चार करोड ७३ लाख छ हजार लक्ष्य रहेकोमा एक अर्ब ५८ करोड ४० लाख ७१ हजार राजश्व संकलन भएको छ । जसमध्य लक्ष्यको ७७.३७ प्रतिशत हुन्छ । 

कार्यालयको चालु आर्थिक वर्षको सुरुवाती चार महिनाको लक्ष्य एक अर्ब एक करोड ३५ लाख ५४ हजार लक्ष्य राखेकोमा ६६ करोड ४१ लाख ३५ हजार अर्थात लक्ष्यको ६५.५३ प्रतिशत राजश्व संकलन गरेको थियो । 

गत आर्थिक वर्ष २०८०÷०८१ को दोस्रो चार महिनाको लक्ष्य एक अर्ब ५७ करोड ६९ लाख ३१ हजार रहेकोमा कार्यालयले लक्ष्यको पूरा प्रतिशत राजश्व संकलन गरेको थियो । जसमध्य लक्ष्यको १००.४५ प्रतिशत राजश्व संकलन गरेको थियो ।

प्रमुख कर अधिकृत बस्नेतले आर्थिक चलायमान नहुँदा पनि कर संकलनमा असर परेको बताए । उनले विगतका तुलनामा व्यापार व्यावसाय घट्दै जान थालेकाले पनि लक्ष्य अनुसार राजश्व संकलन नभएको बताए । कर संकलन लाई बढाउनका लागि विभिन्न कर शिक्षा सम्बन्धी कार्यक्रमहरु गर्दै आइरहेको उनले बताए ।

कर संकलनलाई बढाउनका लागि कर दाताहरुलाई केही इस्किृन समेत ल्याउँदा पनि कर संकलन हुन नसकिरहेको उनले बताए । उनले लक्ष्य अनुसार कर संकलन हुन नसक्ने बताए । 

कार्यालयको गत आर्थिक वर्ष २०८०÷०८१ मा तीन अर्ब आठ करोड ४१ लाख ४० हजार लक्ष्य राखेकोमा दुई अर्ब ६५ करोड ७१ लाख ५४ हजार अर्थात ८५ प्रतिशत राजश्व संकलन गरेको थियो ।