बार्षिकोत्सवमा एशियन लाइफ इन्स्योरेन्सद्धारा दृष्टि फाउडेशनलाई सहयोग

नेपालको अग्रणी जीवन बीमा कम्पनी एशियन लाइफ इन्स्योरेन्सको १७ औं बार्षिकोत्सवको उपलक्ष्यमा  एशिनयको धनगढी शाखाले दृष्टि फाउण्डेशनलाई खाद्य सामाग्री सहयोग गरेको  ।

कैलालीको धनगढीमा रहेको दृष्टि फाउण्डेशनलाई  दाल, चामल, तेल र चिसो पद्धार्थ प्रदान गरिएको एशियनका धनगढी शाखा प्रमुख दिपेश देवकोटाले बताए ।

एशियनका सुदुरपश्चिम प्रदेश प्रमुख गणेश बहादुर साउदले सामाग्री दृष्टि पाउण्डेशनकी संचालिका कल्पना भट्टलाई हस्तान्तरण गरेका हुन् ।

दृष्टि फाउण्डेशन सडकमा आश्रित महिला र बृद्धबृद्धाहरुलाई उद्धार गरेर सेवा पुरयाउदै आएको छ ।

यसअघि एशियनको धनगढी शाखामा बार्षिकोत्सव कार्यक्रम भएको थियो । एशियनका प्रदेश प्रमुख साउदले केक काटेर एशियनको बारेमा जानकारी गराएका थिए ।

१७ बर्षअघि स्थापना भएको एशियन लाइफको  अधिकृत पुँजी ५ अर्ब, चुक्ता पँजी ३ अर्ब ३९ करोड ९८ लाख र ४४ अर्ब ६४ करोडको जीवन बीमा कोष छ ।

 चालु आवको फागुन मसान्तसम्म ५ अर्ब ६९ करोड बीमा शुल्क आर्जन गरेको एशियनले शूरुदेखि हालसम्म ५७ अर्ब १८ करोड बीमा शुल्क आर्जन गरेको  ।

एशियन क्यापीटल लिमिटेड सहायक  कम्पनी रहेको एशियन लाइफ इन्स्योरेन्सको हवाइृ, पर्यटन, जलबिद्युत, बैंक, निर्जीबन बीमा र पुनर्बीमामा लगानी बिबिधिकरण गरेको छ ।