मोहना नदीमा बेपत्ता दुई किशोरको शब भेटियो

धनगढी

मोहना नदीमा पौडी खेल्ने क्रममा सोमबार वेपत्ता भएका धनगढीका दुई किशोरको शव मंगलबार विहान फेला परेको छ ।

धनगढी उपमहानगरपालिका–१३ श्रीलङ्कास्थित मोहना नदीमा सोमबार पौडी खेल्ने क्रममा बेपत्ता भएका सोही वडाका १५ वर्षीय सन्दिप चौधरी र १२ वर्षीय अरुण चौधरीको शव भेटिए हो। जिल्ला प्रहरी कार्यालय कैलालीका डिएसपी प्रतिक विष्टका अनुसार दुवै जनाको शव डेढ किलोमिटर फरक दुरीमा भेटिएको हो ।

उनीहरुको शव परीक्षणका लागि अस्पताल पठाउने तयारी भईरहेको छ । किशोर वेपत्ता भएदेखि नै नेपाल प्रहरी, सशस्त्र प्रहरी लगायतका स्थानीयले उनीहरुको खोजी कार्य जारी राखेका थिए ।