बिहीबार देखी सेतीमा दैनिक साढे पाँच सय स्वाव परिक्षण हुने

धनगढी

 धनगढीमा कोरोना परिक्षणका लागि थप एउटा ल्याव जडान कार्य अन्तिम चरणमा पुगेको छ । सुदूरपश्चिम प्रदेश सरकारले खरिद गरेका तीन वटा कारोना परिक्षण मेसिन मध्य एउटा सेती प्रादेशिक अस्पतालले सञ्चालन गर्ने गरी धनगढीमा जडान गरिएको हो ।

 सो ल्याब सञ्चालन संगै धनगढीमा दैनिक साढे पाँच सय स्वाव परिक्षण गर्न सकिने सेती प्रादेशिक अस्पतालका सूचना अधिकारी दिलिप कुमार श्रेष्ठले बताए । पशु कार्यालयमा यस अघिनै जडान भइ सञ्चालनमा रहेको ल्यावमा दुई सय ७०  र नयाँ ल्यावमा पनि दैनिक दुई सय ७० परिक्षण गरी अव धनगढीमा मात्रै दैनिक साढे पाँच सय स्वाव परिक्षण गर्न सकिने श्रेष्ठे बताए ।

 उनका अनुसार जिल्ला स्वास्थ्य कार्यालयको भवनमा जडान भइरहेको नयाँ ल्यावबाट बिहीबार देखी परिक्षण थालिने छ । ‘अहिले ल्यावमा विजुली, पानी, एसी जडन तथा चेकजाँच गर्ने कार्य भइरहेका छ’ सूचना अधिकारी श्रेष्ठले भने–‘बिहीबार देखी सेती अस्पतालमा दुई वटा ल्याबबाट कोरोना परिक्षण गरिने छ ।’

 यस अघि धनगढीमा जडान भएको एउटा मात्रै ल्यावले दैनिक दुई सय ७० सम्म स्वाव परिक्षण गर्ने गरेको थियो । नयाँ जडान भइरहेको ल्यावको परिक्षण क्षमता पनि दुई सय ७० नै रहेको सूचना अधिकारी श्रेष्ठले जानकारी दिएका छन् ।

 चैत १५ गते बसेको सुदूरपश्चिम प्रदेश सरकार मन्त्रीपरिषदको निर्णयले धनगढी, डोटी र बैतडीमा कोरोना परीक्षणका लागि प्रयोगशाला स्थापना गर्ने निर्णय गरेको थियो ।