सुदूरपश्चिममा थप ३४ जनामा कोरोना संक्रमण पुष्टी

धनगढी
 पछिललो २४ घण्टाको अवधीमा सुदूरपश्चिम प्रदेशमा थप ३४ जनामा कोरोना संक्रमण पुष्टी भएको छ । 
 राष्ट्रिय जनस्वास्थय प्रयोगशालामा गरिइएको परिक्षणमा बझाङका १ जनामा कोरोना संक्रमण पुष्टि हुँदा सेती प्रादेशिक अस्पतालको कोरोना परिक्षण प्रयोगशालमा गरिएको परिक्षणमा ३३ जनामा संक्रमण पुष्टी भएको हो । 
 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार मंगलबार सेतीमा एक सय ७० जनाको स्वाव परिक्षण गरिएकोमा २६ पुरुष र ७ महिलागरी ३३ जनामा कोरोना संक्रमण पुष्टी भएको हो । 
 सूचना अधिकारी श्रेष्ठका अनुसार मंगलबार थपिएका संक्रमित हरुमा गोदावरी नगरपालिका ९ पुरुष र ५ महिला गरी १४ जना, कैलारी गाउँपालिकाका ६ पुरुष र एक महिला गरी ७ जना, अछामको बान्नीगढी जयगढ गाउँपालिका १० पुरुष, १ महिला गरी ११ जना र कञ्चनपुरको भीमदत्त नगरपालिकाका एक पुरुषमा कोरोना पुष्टि भएको हो । सुदूरपश्चिम प्रदेश सामाजिक विकास मन्त्रालयको तथ्याङ्क अनुसार मंगलबार ३३ जनामा संक्रमण पुष्टि भएसंगै सुदूरपश्चिममा कोरोना संक्रमितको कुल संख्या चार हजार ६ सय ९२ पुगेको छ ।