कैलालीमा जोर बिजोर प्रणाली लागु, राति पनि हिडन नपाईने

धनगढी

   गृह मन्त्रालयको निर्देशनपछि कैलाली जिल्लामा पनि रातिको समयमा हिडडुल गर्न नपाइने भएको छ । जिल्लाभरी नै राति ९ बजेदेखि बिहान ५ बजेसम्म हिँडडुल गर्न नपाईने भएको हो ।

  कैलालीका प्रमुख जिल्ला अधिकारी यज्ञराज बोहराले कोरोना भाइरसको बढ्दो संक्रमणलाई लक्षित गरेर बिहीबारदेखि लागू हुने गरी यो निर्णय लागु भएको बताए । उनले त्यसै अनुसार ब्यबस्था मिलाउन सुरक्षा निकायलाई निर्देशन दिईएको बताए ।

 प्रजिअ वोहराले यस संगै कैलालीमा जोरबिजोर प्रणाली पनि लागु हुने बताए । अत्यावश्यक सेवामा भने यो निर्णय लागू नहुने प्रमुख जिल्ला अधिकारी बोहराले जानकारी दिए ।