समाजसेवामा गौरीगंगा एघार स्पोर्ट क्लब

धनगढी

      गौरीगंगा नगरपालिकाको मसुरियामा रहेको गौरीगंगा एघार स्पोर्ट क्लब सामाजिक सेवामा जुटेको छ ।  कोरोनाका कारण सबै क्षेत्र समस्यामा रहेका वेला उक्त क्लबले क्वारेन्टाईनमा बसेकाहरुलाई बिभिन्न खालको सहयोग देखि रक्तदान सम्मका कार्यहरु गरिरहेको छ ।

     बिश्वब्यापी रूपमा फैलिएको महामारी कोरोना भाइरस र लकडाउनका कारण रगतको अभावले बिरामीको उपचारमा समस्या देखिएकाले रक्तदान कार्यक्रम गरिएको क्लबका अध्यक्ष दिनेश कलेलले बताए । उनले भने–‘अहिले कोरोना भाईरसका कारण समाजका हरेक क्षेत्र समस्यामा छन्, यस वेलामा थोरै भएपनि केही सहयोग पुगोस भनेर बिभिन्न सामाजिक गतिबिधि गरिरहेका छौ ।’

गौरीगंगा एघार स्पोर्ट्स क्लबले मसुरियामा आयोजना गरेको रक्तदानमा ४० जनाले रक्तदान गरेको अध्यक्ष कलेलले जानकारी दिए ।  यसैगरी  क्लबले गौरीगङ्गा नगरपालिकाको वडा नं ८ स्थीत सरस्वती मा.वि बढैपुर,जनप्रिय उ.मा.वि लिक्मा,सृजनसिल प्रा.वि लिक्मा र त्रिपुरेस्वरी मा.वि लिक्मामा क्वारेन्टाईनमा रहेका  १ सय ७७ जनालाई जुस दिएको छ । अध्यक्ष कलेलले यस अघि पनि क्लबले खेलकुद संगै बिभिन्न सामाजिक कार्य गर्दै आएको र अहिलेको अपठ्यारो परिस्थितीमा झनै सकृय भएर सामाजिक कार्यमा जुटेको बताए ।