बैतडीमा पहिरोमा परि आमा छोराको मृत्यु

धनगढी

बैतडीमा पहिरोमा परि आमा छोराको मृत्यु भएको छ । बैतडीको डिलाशैनी गाउँपालीका मठैराजमा घर माथीबाट पहिरो जाँदा आमा छोराको मृत्यु भएको हो ।

  जिल्ला प्रहरी कार्यालय बैतडीका सुचना अधिकारी प्रहरी निरिक्षक किषन चन्दका अनुसार आनसिह बोहोराको घर पुरिदा उनकी ४० वर्षिया श्रीमती पशुपति बोहोरा र १२ वर्षिया छोरा रितोश बोहोराको घरभित्रै च्यापिएको मृत्यृ भएको हो ।

बिहिवार राति देखि  परेको अविरल वर्षा संगै राती १ बजे तिर आएको पहिरोले घर पुर्ण रुपमा पुरिएको प्रहरीले जनाएको छ । धामीगाउँबाट खटिएको प्रहरी र स्थानीयले दुबैको शव निकालेको र थप घटनाको विवरण आउन बाँकी रहेको जिल्ला प्रहरी कार्यालय बैतडीले जनाएको छ ।