आज देशभर ४६४ जना कोरोना संक्रमित थपिए

काठमाडौँ

    नेपालमा पछिल्लो २४ घण्टामा थप ४ सय ६४ जनामा कोरोना भाइरसको संक्रमण पुष्टि भएको छ । यस सँगै नेपालमा कोरोना संक्रमितको संख्या २२ हजार २ सय १४ पुगेको छ ।

  स्वास्थ्य तथा जनसंख्या मन्त्रालयको नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा ४ सय २५ जना डिस्चार्ज भएको बताए ।

   यससँगै हालसम्म डिस्चार्ज हुनेहरुको संख्या १५ हजार ८ सय १४ पुगेको छ । पछिल्लो २४ घण्टामा ७ हजार ९ सय २६ जनाको पीसीआर गरिएको स्वास्थ्य मन्त्रालयले जनाएको छ ।