लायन्स क्लब समृद्धिद्धारा मास्क बितरण

धनगढी

  लायन्स क्लब  अफ धनगढी समृद्धिले कोरोना बिरुद्ध सचेतना बृद्धि गर्न मास्क बितरण गरेको छ । मास्क नलगाएर धनगढी बजारमा हिडिरहेका व्यक्तिहरुलाई लायन्स क्लबले मास्क बितरण गरेको हो ।

कोरोना भाइरसको जोखिम बढ्दै गइरहेको भए पनि मास्क बिना पनि बजारमा हिडडुल गर्नेको संख्या ठुलो भएकोले कोरोनाको जोखिम कम  गर्न मास्क बितरण गरिएको लायन्स क्लब धनगढी समृद्धिकी अध्यक्ष गोमा अधिकारीले बताइन् ।

 ‘अझै पनि मास्न नलगाएर नै हिड्ने क्रम कम भएको छैन ।’ अध्यक्ष अधिकारीले भनिन् ‘धेरै जना सचेतनाको अभावमा मास्क बिना नै हिडिरहेकोले मास्कको आवश्यकता सम्झाएर मास्क पनि दिएका हौं ।’ 

   लायन्स क्लब  समृद्धिले धनगढी एलनएचौकमा मास्न नलगाएर ओहोरदोहार गरिरहेकाहरुलाई मास्क बितरण गरेको हो ।