रोजगार सेवा केन्द्रहरुको सुदृढीकरणमा निजी क्षेत्रको सलग्नता कार्यशाला सम्पन्न

नेपालमा रोजगार सेवा केन्द्रहरुको सुदृढीकरणमा निजी क्षेत्रको सलग्नता बिषयक  कार्यशाला बुधबार धनगढीमा सम्पन्न भएको छ ।  आइएलओको नेपालमा रोजगार सेवा केन्द्रहरुको सुदृढीकरण कार्यक्रम र नेपाल चेम्बर अफ कमर्स सुदुरपश्चिमको आयोजनामा भएको उक्त कार्यक्रममा सहभागीहरुले सरकार र रोगारदाताहरुले सहकार्य गरेर अघि बढ्नु पर्नेमा जोड दिएका थिए ।

सुदुरपश्चिमका सामाजिक बिकास मन्त्री मेखराज खड्काले अहिले दक्ष श्रम शक्तिको अभाव बढिरहेकोले  श्रमिक उत्पादन गर्न र टिकाउन काम गर्नु पर्ने बताए ।

सुदुरपश्चिममा भएका सम्भावनाहरुलाई बिकास गरेर रोजगारी सिर्जना गर्न सुदुरपश्चिम प्रदेश सरकार अघि बढिरहेको मन्त्री खड्काले बताए ।

भुमि व्यवस्था, कृषि तथा सहकारी मन्त्री बीर बहादुर थापाले सरकारले रोजगारी सिर्जनाका कार्यक्रम निजी क्षेत्रको सहभागितामा शुरु गर्न खोजिरहेको भन्दै आकर्षक उत्पादन र रोगारी सिर्जनाका कार्यक्रम लिएर आउन निजी क्षेत्रलाई आग्रह गरे ।

भुमि व्यवस्था, कृषि तथा सहकारी मन्त्रालयका प्रदेश सचिव शंकर प्रसाद साहले रोजगारी सिर्जनाका लागि योजना र प्रतिवद्धता आवश्यक रहेको बताए ।

संघीय सरकारका श्रम रोजगार तथा सामाजिक बिकास मन्त्रालयका सहसचिव कृष्ण प्रसाद सापकोटाले आर्थिक बर्ष २०८२।२०८३ देखि २०९२।२०९३ को दश बर्षलाई सरकारले आन्तरिक रोजगारी दशकको घोषणा गरेको बताए । आन्तरिक दशकको कार्यान्वयनकै लागि चालु आवको बजेटमा चार शीर्षकमा कार्यक्रम ल्याइएको, राष्टिय रोजगार कार्यक्रम शुरु गरिएको बताए ।

नेपाल चेम्बर आफ कमर्सका परियोजना व्यवस्थापक चन्द्र प्रकाश अधिकारीले रोजगारदाताले दक्ष श्रमिक नपाउने र बेरोजगारहरुले रोजगारी नपाउने  अवस्थाबीचको ग्याप कम गर्न कार्यशाला सँचालन गरिएको बताए ।

कार्यशालामा दक्ष सीपको  श्रम बजारमा पहुच र रोजगारीको सबन्ध बिषयका प्यानलको चन्दकान्त अधिकारीले,  रोजगारदाताको नेटवर्क ः रोजगारदाताले श्रमिक खोज्ने अभ्यासको चुनौती  र सम्भावना बिषयक प्यानलको सहजीकरण पत्रकार गोविन्द रोस्याराले, रोजगारी सिर्जना, कार्यक्र विकास र समग्र श्रम बजार परिणामहरू सुधार गर्न सार्वजनिक र निजी संस्थाहरू बीचको सहकार्य बिषयक प्यानलको सहजीकरण  चन्द्रकान्त अधिकारीले र नीतिगत सुधारतर्फ उद्यमशीलता र व्यापार निरन्तरताको सहजीकरण बंशीरम चौधरीले गरेका थिए ।

नेपाल चेम्बर अफ कमर्स सुदुरपश्चिमका अध्यक्ष बिनोद मल्लको अध्यक्षतामा भएको उक्त कार्यक्रममा चेम्बर आफ कमर्सका कैलाली अध्यक्ष प्रमोद अधिकारीले धन्यवाद ज्ञापन गरेका थिए । कार्यक्रमको सहजीकरण गोविन्द रोज्याराले गरेका थिए ।