टीकापुरमा ग्याङ फाईटमा घाइते तीनजना नेपालगञ्ज रेफर

धनगढी

   शनिवार बेलुका टीकापुरमा दुई समूहबीच भएको झडपमा  घाईते भएका तीनजनालाई नेपालगञ्ज रेफर गरिएको छ ।

 जिल्ला प्रहरी कार्यालय कैलालीका सह–प्रवक्ता प्रहरी निरिक्षक हिक्मत थापाले झडपमा परी घाईते भएका गम्भिर तीनजनालाई नेपालगञ्ज रेफर गरिएको जानकारी दिए ।

उनका अनुसार रेफर हुनेमा  टीकापुर नगरपालिका वडा नम्बर ६ का १७ वर्षीय दिनेश साउँद, १९ वर्षीय सुरज चौधरी र वडा नम्बर ९ का १७ वर्षीय भुवन साउँद रहेका छन् ।

 शनिबार साँझ टीकापुर नगरपालिका वडा नम्बर ६ र ९ का युवाहरुबीच झडप हुँदा पाँच जना घाईते भएका थिए । झडपका क्रममा धारिलो हतियार प्रहार भएको देखिएपनि बरामद गर्न नसकिएको प्रहरीले जनाएको छ ।

 प्रहरीले घटना स्थलबाट टिकापुर ६ प्रसेनीका रवन साउँद र लोकेन्द्र कडायतलाई शनिबार नै पक्राउ गरिसकेको छ ।